التغذية السليمة لجمال الشعر والبشرة

* التغذية الصحيحة هى اهم علاج للبشرة والشعر واليوم نقدم لكى الغذاء الصحى المتوازن لجمال بشرتك وجمال شعرك بدون الأخلال بالرجيم

* هناك 3 وجبات اساسية يومية لازم نحافظ عليهم وبين الوجبات ممكن يكون فى عصائر ومشروبات خفيفة الوجبات دى لازم تحتوى على الاتى :

1- كربوهيدرات :

ودى بتوفر لنا الطاقة ونلاقيها فى البقول - الحبوب - الارز- المكرونة - الشعير - البرغل - الشوفان - البليلة - البقسماط – التوست

2- بروتينات :

ودى مهمة جدا لبناء الانسجة وتجديد خلايا الجسم وتساعد على اطالة الشعر لأنها بتكون خلايا الشعر الجديدة بخلاف ان نقصها يعمل على تساقط الشعر ونلاقيها فى : اللحوم الحمراء - الدواجن - الطيور - الاسماك - البيض - منتجات الألبان- المشروم

3- دهون :

ودى مهمة لان فيها احماض دهنية اساسية الجسم لا يستطيع تكوينها ولازم يحصل عليها من الغذاء اللى احنا بناكله والدهون دى مصدر للطاقة وتعطى لمعان للشعر وتمنع هيشانه وتقصفه ونلاقيها فى : الزبد - السمن - الزيوت مثل زيت الزيتون - الذرة - عباد الشمس - بذر الكتان - زهرة الربيع

4- فيتامينات :

- فيتامين A : وده نقصه يسبب جفاف الشعر وهيشانه ونلاقيه فى الخضروات الورقية الجرجير والبقدونس والشبت والكرفس - الفلفل الرومى اصفر واحمر واخضر - الجزر - البطاطا - الاناناس - الشمام - كنتالوب - الكرنب - القرنبيط - السبانخ – الفجل

- فيتامين B : وده مهم للغاية فى عمليات التمثيل الضوئى ونقصه يسبب تساقط للشعر وهو مجموعة من الفيتامينات B1, B2 , B3 ,B5 , B6 , B12 ونلاقيه فى الخميرة ودى لوحدها منجم لفيتامين B وكمان فى التمر والاسماك والخضروات الورقية

- فيتامين C : وهو مهم لتكوين صبغة الشعر ولمعانه وتلاقيه فى الموالح - البرتقال - اليوسفى - الليمون - الجريب فروت - الكيوى - المانجو - الجوافة - الفراولة - الاناناس - الطماطم – البقدونس

- فيتامين E : فيتامين الجمال لأنه من اقوى مضادات الاكسدة فى العالم ويحافظ على الخلايا ويحميها من الشيخوخة وتلاقيه فى : الخضروات الورقية - جنين القمح - زيت كبد الحوت – الاسماك

5- معادن : 

- الحديد : وده نقصه يعمل انيميا والانيميا سبب من اسباب تساقط الشعر وسبب من اسباب الهالات السوداء تحت العين وتغير لون البشرة ونلاقيه فى : اللحوم الحمراء - الكبدة - البقدونس - السبانخ - الباذنجان - البنجر - الفراولة - الرمان - التمر - الخرشوف - التفاح – الموز

- الزنك : ونقصه يسبب تقصف وسقوط الشعر وشيب مبكر  ويوجد فى : الدواجن - البسلة - المكسرات - الاسماك - الكابوريا - الجمبرى – الاستاكوزا

- الكبريت : وتلاقيه فى : الكرنب - القرنبيط - البروكلى - البصل - الثوم – اللفت

 

- اليود : وتلاقيه فى الاسماك والمأكولات البحرية

وممكن نعمل نظام غذائي بسيط ويشمل كل الاساسيات الى ذكرناه

الفطار

كوب لبن و 7 تمرات + بيضه مسلوقه + قطعة جبنى قريش بزيت الزيتون + ربع رغيف عيش ويستحسن العيش الاسمر

الغذاء

ربع فرخة أو قطعة لحم مسلوقه او مشويه أو سمكة مشوية أو طبق كبدة أو تونه مصفاه من الزيت + اربع ملاعق من البقوليات + اربع ملاعق أرز أو مكونة أو نصف رغيف عيش + 6 ملاعق خضار مسلوق + طبق سلطة يحتوى على طماطم , خيار , خس , جزر وممكن كمان يكون معاها سلطة كرنب

العشاء

كوب زبادى منزوع الدسم مضاف اليها ملعقة من جنين القمح

بين الوجبات ممكن نشرب

عصير جزر , عصير برتقال ، عصير فراولة ، عصير رومان

وبالهنا والشفا

امجاد بخاخ