كثير من السيدات لا تنتبه للبسها الا بعد فوات الاوان ........
للأسف كثير من السيدات ينسون انفسهن داخل البيت ويكون لبس النوم هو لبس المطبخ هو لبس النهار هو لبس قعده العصريه مع جوزها ..... ومش تفكر تغير لبسها الا وقت الشاور ....
كل وقت وله أذان
مش معقول تصحى الصبح وتفضلى لابسة لبس النوم اكيد لازم تغيريه ، لما تصحى الصبح وانتى بتجهزى الفطار لزوجك لى مش تلبس لبس خفيف بتاع الصباح ممكن تلبسى فستان بيتى قصير فوق لحد الركبه بنصف كم خفيف
زى كده
وبعد ذهاب زوجك للعمل ممكن تعودى للبسك التقليدى وجلبيه البيت براحتك بقا لحد ما تخلصى شغل بيتك وبعد كده شاور حلو وتلبسى لبس النهار قبل وصول الزوج للبيت ممكن تلبسى ترنجات او بادى وبارتكور
وفى المساء ممكن تغيرى لسهره حلوه يكون فستان شيك للسهر مع زوجك ووقت النوم مش شرط دايما يبقى قميص النوم التقليدى حاولى تغيرى دلوقتى فى بيجامات قطن خفيفه للنوم طبعا مش اقصد البيجامات التقليديه لكن فى بيجامات تكون شورت وبدى وحاجات خفيفه كده تكون قطن علشان تكون مريحه
ياريت ترتبى دولابك وتشيلى منه ملابسك القديمه الى تخص المطبخ وترويق البيت ممكن تعلقيهم فى شماعه فى المطبخ جنب مريله المطبخ وسيبى دولابك لملابسك الشيك فى البيت وخارج البيت
كمان فى ستات كثير عندها ديفوهات فى جسمها فلازم تراعى النقطه دى وانتى بتشترى لبس البيت زى ما بتراعيها فى لبس الخروج واختيارك للألوان ممكن لون يليق عليكى ولون لا .. وهكذا .. بالتوفيق
0 التعليقات:
إرسال تعليق